Jong van hatte mit et Stellingwarfs de toekomst in
Op ’e ribbe
Op ’e ribbe is de naeme van een huus an de Pieter Stoevezaandweg in Ni’jtriene. Een toepasselike naeme in et Scheenegebied. Een ribbe is een smalle stroke grond tussen twie patten van een venepoele. Zie ok de straotnaeme De Ribbe in Scharpenzeel (nommer 306 in disse serie). (Foto’s en tekst: Johan Veenstra)
2022: een biezunder jaor, en dat is et! Want niet alliend de Stellingwarver Schrieversronte bestaot in 2022 vuuftig jaor – om percies te wezen op 29 april –, datzelde gelt ok veur et Stellingwarfs tiedschrift De Ovend. En vanzels is ok daor dit jubileumjaor extra ommedaenken veur. Zo verschient d’r laeter dit jaor een speciaol jubileumnommer, mar deur et hiele jaor henne gaot webmaster Ninke van der Veen ok iedere weke aorige bi’jdregen uut oolde jaorgangen plaetsen op disse webstee. Vandaege lezen jim een bi’jdrege uut de aldereerste, doe nog stencilde, Ovend! Wie alle oolde Ovends graeg lezen wil, dat kan ok. De pepieren versies bin te lezen in de haandbiebeltheek van oons taelinstituut. De digitaole versies kuj’ vienen op www.stellingia.nl. Now, daor gaon we, uut 1972:
Et het blieken daon dat de dokementaire Et Fochtelervene – van iestied naor wieshied op ni’jjaorsmorgen deur veul meensken bekeken is. De film wodde doe mar liefst drie keer uutzunnen op Omroep Frieslaand: een hiel goed begin van et ni’je jaor! Een feestelik jaor is dit ni’je jaor butendat, want op 29 april 2022 is et op ’e kop of vuuftig jaor leden dat de Stellingwarver Schrieversronte opricht wodde.
De dokementaire over et Fochtelervene is trouwens nog altied te zien op RTV Drenthe: https://www.rtvdrenthe.nl/tv/programma/7/Documentaires/aflevering/67356. Die omroep hadde op 24 oktober van et oflopen jaor de première.
Vanof 15 jannewaori kan elkeniene de film ok zien op disse webstee. Dat… veur wie de uutzendings an now toe miste, en die bin d’r, moet dit wel een ommeraek goed bericht wezen!
