In Stellingwarf-Westaende hangen now Stellingwarfstaelige verkiezingsposters mit daorop de kreet ‘De kop d’r veur’. Een goeie aktie van poletieke perti’j WB! De meerste posters zitten om een lanteernpaol henne, mar disse is mit de storm een tuun invleugen, vertelde Henk Jager die d’r een foto van maekte.

De Goorn is de naeme van een straote in Oosterwoolde. Een goorn is een hoekien laand mit meerst boswallen d’r ommehenne dat tegen et arf van een boerderi’je  ligt. Et wodde bruukt veur et weiden van kalver, laomer of schaopen. Et wodde ok wel as gruuntetuun bruukt. (Foto en tekst: Johan Veenstra)