Mienbeken is de naeme van een onverhadde weg die min of meer bi’j een bekien langes gaot. De weg ligt in Stienwiekerwoold en komt in zudelike richting  uut op De Beek(weg). Dat misschien dat Mienbeken de Stellingwarver naeme veur de nuumde beek is. Et woord (b)liekt in ieder geval nargens aanders veur te kommen. (Foto’s en tekst: Henk Jager)

Op et bod mit et fietskneuppunt Paasloregel staot ok Diepe Wiede angeven en dat ligt bi’j Wetering in de Weerribben. (Foto en gegevens: Henk Jager)

Doe ’k in juli tegere mit kammeraod Douwe deur Vinkege fietste, zag ik dit bod mit et woord Boelderi’je d’r op staon. Et is ongetwiefeld Stellingwarfs. Mar wat is et? Et woord opzuken in et Stellingwarfs Woordeboek koj’ gien tree wieder mit, want et staot d’r niet in. Mar vlakbi’j dit bod ligt neffens mi’j een jeu de boulesbaene. Numen ze zoks in Vinkege lichtkaans een boelderi’je? Dat zol mooi bedocht wezen! (Foto en tekst: Johan Veenstra)