Op de ruumte is de naeme van een huus dat in Ni’jtriene naost de Scheenesluus staot. Ie wonen daor in de Rottige Miente inderdaod wel wat op ’e ruumte, mar d’r is ok best nog wel hiel wat bome- en polleboel. Om dit huus henne ok wel. (Foto’s en tekst: Johan Veenstra)

Hoeve Heide & Wold is de naeme van een vekaansieboerderi’je in Waoteren, krek over de Stellingwarver greens. Et mooie is daj’ je peerd hierhenne mitnemen kunnen op vekaansie! Et woord wold komt vaeke veur in disse biezundere serie naemen. Ik zol woold zeggen en schrieven. (Tekst en foto: Johan Veenstra)

Bi’j et plakkien Tuk, vlakbi’j Stienwiek, zag Henk Jager de naeme Suder Hiddinghe veur een pension veur peerden. Vermoedelik dudet Hiddinghe op een femilienaeme.

Disse foto maekte Henk Jager van De Blesse kotleden in Ooldemark. Oldejuje is een bi’jnaeme van Ooldemark. Krek zoe’n soort naeme as Nottepee veur Noordwoolde.

Bi’j Bert Oppers in Wolvege hebben ze verschillende soorten draank mit Stellingwarver naemen en opschriften. Hieronder de tekst die op flessen Oold Stellingwarver Genot staot.

Oold Stellingwarver Genot is een edel draankien. De volle smaek komt van zuvere Caribische rum en fijne ingrediënten. Een specialiteit van Dranken Center Bert Oppers Wolvege.

(Foto en tekst: Johan Veenstra)