Et keunstwark De Botterkopers staot op et karkhof van de hervormde karke van Ooldemark an et marktplein. De tekst op et oranje plaetien is een stokkien van een infermaosiebod dat op et plein staot en een kuierroute deur Ooldemark angeft. D’r is op te lezen dat hier botter- en veemarken west hebben, wat de naeme van et keunstwark verklaord. (Foto’s en infermaosie: Henk Jager)

Op een vekaansiepark in et Noord-Hollaanse Julianadörp het een huus de grif toepasselike naeme t is ’n kom n en gaon. Et liekt d’r op dat dit een Stellingwarver naeme is, mar et zol bi’jglieks ok Drents wezen kunnen. Mar we weten et niet, want in beide gevallen is de spelling krek even eers… Even vraogen kon niet, want d’r was niet iene thuus!

De ere Stellingwarver straotenaeme die Henk Jager in een ni’jbouwwiek van Tuk (zie daorveur nommer 438) zag is De Olde Hof. Aachter et bottien mit De Olde Hof staot nog een riegeltien fraaie oolde ieken, vertelt Henk. Van die ieken maekte hi’j bi’jgaonde foto. Behalven et bruken van de eigen tael bi’j de naemgeving van ni’je straoten is et ok arg mooi dat de oolde bomen in disse ni’jbouwwiek staon bleven binnen.

Henk Jager van De Blesse fietste kotleden deur Tuk en zag in een ni’jbouwwiek twie straotnaemen mit een Stellingwarver naeme. De eerste die we hier numen is De krimpe. Ienkeer thuus zag Henk op een peer oolde kaorten op datzelde plak een dudelike vernauwing van een kaampe gröslaand. Et is mooi dat de herinnering an dat plak now in disse naeme beweerd blift.