An de Brink in Dwingel staot resteraant/pankoekeboerderi’je De Zaagkoele. Et is een oolde boerderi’je uut 1837. De boer die d’r indertied woonde, hadde een koele naost de deure. Daor koj’ waeter uuthaelen as d’r braand uutbreken moch. De man was trouwens ok nog timmerman, hi’j zaegde plaanken van bomen. En dan kriej’ dus de naeme De Zaagkoele. (Foto’s en tekst: Johan Veenstra)

Kwikkels is een diels onverhad weggien/reed in de buurtschop Witte Peerden. Henk Jager leup hier kotleden langes, want et was diels te modderig om te fietsen. De naeme zol et meervoold wezen kunnen van et woord kwikke. Dat is neffens et Stellingwarfs Woordeboek een twieg uut de kop van een iekenboom. Bi’j et pad langes hej’ in ieder geval boswallegies mit o.e. stobben en overstaonders van ieken. 

Vlakbi’j de schoele van Berkoop is een parkeerterrein. Om goed an te geven waor aj’ dat terrein of moeten, staot daor d’r uut op ’e straotstienen schreven. (Foto en tekst: Johan Veenstra)

Vlakbi’j de schoele van Berkoop is een parkeerterrein. Om goed an te geven waor aj’ dat terrein op moeten, staot daor d’r in op ’e straotstienen schreven. (Foto en tekst: Johan Veenstra)

Ik daenke dat d’r nargens aanders zoe’n bottien op een deure zit. Dit bottien zit op ’e veurdeure van et gebouw van de Stellingwarver Schrieversronte in Berkoop. De bosschop liekt me meer as dudelik. (Foto en tekst: Johan Veenstra)