In Steggerde vieren ze ieder jaor et karneval ok. En ieder jaor staon daor ok weer bodden mit teksten in et Stellingwarfs om van et feest weten te laoten. Gewoon butengewoon, toch? Hans Salverda maekte de foto.

Henk Jager van De Blesse zag bi’j et ni’je keunstwark an de Stienwiekerweg (de oolde Rieksweg) dit drietaelige bottien.

Bi’j kefé-resteraant Boszicht in Ni’jberkoop kuj’ verhipte lekker eten. Zoas bi’jglieks et Stellingwarfs Stoofpottien!! Hans Salverda zien fiets vaalt daor ok nogal es omme… en maekte d’r kotleden ok disse foto.

De weg tussen Ni’jberkoop en Makkinge hiet Bercoperweg. Et is al een hiele oolde verbieningsweg van Wolvege, Hooltpae, Ni’jhooltpae, Berkoop, Ni’jberkoop, Makkinge naor Oosterwoolde en het in ieder dörp een ere naeme. Now wodt veur de aorighied wel es Bercoop schreven, mar et aenlik gewoon Berkoop en Berkoperweg…

Bi’j kefé-resteraant Boszicht in Ni’jberkoop verkopen ze ok mooie kaorten van et kleinste dörpien van Oost-Stellingwarf. Dat aj’ daor es van die zo mooie omgeving geneuten hebben kuj’ d’r een mooie kaorte van versturen naor femilie, vrunden en ere kunde. Hans Salverda zag ze doe hi’j daor even anstak veur een bakkien thee.