Stellingwarfs in et ‘wild’

Et oolde kefé in de midden van et dörpien Ni’jhooltpae hiet ‘De schieve deure’. Veur de rebriek Stellingwarfs in et ‘wild’ stuurde Freddie de Vries van Hooltpae de beide foto’s toe.

Freddie de Vries van Hooltpae stuurde disse foto’s van de schoele in zien dörp veur Stellingwarfs in et ‘wild’. Die schoele hiet ‘De Striepe’; striepe is et Stellingwarver woord veur een lange, smalle stroke laand. En juust, op zoe’n stroke is de schoele eertieds bouwd.

Annie Dedden stuurde veur Stellingwarfs in et ‘wild’ disse foto’s mit de prachtige Stellingwarver naeme ‘Hevetille’. Et is de naeme van een straote in Noordwoolde. Een hevetille is een drievende plaantelaoge zonder vaaste ondergrond in een moerasachtig gebied. Ie kun d’r mar beter niet op staon gaon… Et woord hevetille wodt bruukt in veural Stellingwarf-Oostaende, mar ok in Blesdieke, Buil, De Hoeve, Ni’jhooltpae. Noordwoolde, Spange en Scharpenzeel. In sommige ere plakken wodde et verschiensel ok wel tilleven, evertille, tilheve of hevetil nuumd.

De Stellingwarver naeme ‘Zwaai’ dudet hier op et maeken van een beweging van de aarms bi’j et golven. Ie moe’n soms een hiele zwaai maeken om et ballegien een aende vot te slaon… Akkie Zeilstra stuurde ok disse foto op veur Stellingwarfs in et ‘wild’ op.

Et tilt op van de Stellingwarver naemen in et park De Hildenberg in Appelsche. Ok veur de foto’s van de straotnaeme ‘Roegte’ zorgde Akkie Zeilstra.