Immennocht is de mooie Stellingwarver naeme veur een vroegere bi’jestal van een iemker an de Butenweg in Else. Disse naeme veur Stellingwarfs in ’t wild wodde oons toestuurd deur Hendrik Betten van Else.
Stellingwarfs in et ‘wild’
Fotorebriek Stellingwarfs in et eupenbaor
125. Lute’s Land
De foto mit de naeme ‘Lute’s Land’ wodde instuurd deur Hendrik Betten van Else. Et bottien zit an et hekke bi’j een stok laand van Lute Bos an de Boekelterweg bi’j Buil.
124. Elser stekkien
De twiede naeme die jim op dezelde foto as van nommer 123 zien is die van et ‘Elser stekkien’. Dat is de naeme van et ukkespeulplak van Else; veur in et gebouw bin nog een peer kleine ruumten die deur et verieningsleven van Else bruukt wodden kund.
123. Elser praothuus
Van Hendrik Betten kregen we een schoffien leden een riegel foto’s veur de rebriek Stellingwarfs in et ‘wild’. Jim zien d’r hier weer es iene van. En jim zien d’r mar liefst twie Stellingwarver naemen op! De eerste is die van et ‘Stellingwarver praothuus’, now, jim kun wel raoden wat de Elsigers daor doen… Et Elser praothuus is aenlik de kantine van de sportverienings, mar wodt ok deur ere verienings bruukt as d’r in kefé ’t Anker wat eers te doen is.
122. Ik bin en blief een Boer
Een schoffien leden kregen we dit mooie veurbeeld van Stellingwarfs in ’t wild op een t-shirt. Otto de Vent van De Fochtel wol, zoas hi’j leut oons weten, ok niet aachterblieven mit een bi’jdrege veur de rebriek! Otto maekte de foto tiedens et dörpsfeest van De Fochtel op oflopen 30 september.