Jong van hatte mit et Stellingwarfs de toekomst in
Fotorebriek Stellingwarfs in et eupenbaor
Hans Salverda van Zorgvlied stuurde kotleden ok disse foto in. Hi’j zag, ok in Dwingel, dat Boer Geert uut de bekende serie ‘Boer zoekt vrouw’ Holt uut de regio verkocht. Zoas we wel vaeker in disse serie zien wodt et woord ‘hoolt’ nogal es mit iene ‘o’ schreven, krek as et woord ‘oold’. (Foto en gegevens Hans Salverda)
In Dwingel het disse ‘Eigen weg’ een eigen Stellingwarver naeme kregen. Dat gebeurde bliekber doe et weggien in 2019 opni’j bestraot is. Now kuj’ zien dat et Stellingwarfs hier schreven is mit een Drentse spellingswieze. In goed Stellingwarfs zol et wezen moeten ‘Oons straotien’. (Foto Hans Salverda)
De Harken is de naeme van et weggien van Makkinge naor de buurtschoppen Hoge en Lege Duurswoold bi’j Oosterwoolde. ‘Harken’ betekent zoks as ‘hoogte in et laand’. En dat liekt hier goed meugelik omdat d’r in de naemen van de beide buurtschoppen ok een hoogte- en leegteverschil angeven wodt. Deurdat in mit naeme de tied van de ruilverkaveling veul van et oorspronkelike laandschop verdwenen is, zol ok et eventuele hogere liggende laand rond De Harken verdwenen wezen kunnen. (Foto: Hans Salverda)
De Ronde Menning is een straotnaeme in Steggerde. Aenlik wodt altied menninge zegd, ok deur (ooldere) inwoners van Steggerde. Menning(e) is een Stellingwarfs woord veur reed. (Foto en gegevens: Henk Jager)
Op een eer bod in Steggerde zag Henk Jager et woord Noabers. Dat wodt nogal es bruukt om je buren mit an te duden. Now schrieven we in et Stellingwarfs bi’j de ao-klaank altied de a eerst, dus zol et aenlik Naobers wezen moeten… (Foto en gegevens: Henk Jager)