Stellingwarfs in et ‘wild’

De hieltied meer ziej’ et gebruuk van de officiële Stellingwarver waeternaemen. Dit bod is daor een mooi veurbeeld van. Disse fietspont verbint et Overlendepad van Ooldetriene (zie 203) mit et Overlendepad van Ooldemark. (Foto en gegevens: Henk Jager) 

Bi’j camping De Hertenweide in Zorgvlied daenken ze ok om heur honnegaasten. Die kun daor, as ze dust hebben, uut een intied oolderwets drinkbakkien veur koenen drinken. Zo dot zoe’n bakkien nog mooi dienst! Now schrieven we in et Stellingwarfs ‘neuze’, mar daor zal de gemiddelde hond him niet drok omme maeken… Hans Salverda stuurde de foto mit de gegevens op.

Dit uutnugende bod staot bi’j kefé De Karre in Tuk. Henk Jager van De Blesse zag et en stuurde d’r disse foto van toe. Now schrieven we in et Stellingwarfs gaoj’ in plak van goi, mar de bedoeling is vanzels wel dudelik…

In Zuudvene het disse doodlopende straote de naeme Leemkoele. (Foto en gegevens: Henk Jager)

Henk Jager van De Blesse zag laestdaegs dit bottien mit de tekst d’Olde Stee op een ni’j huus in Zuudvene. Eerder het hier grif wat eers staon.