Ok in Vinkege koj’ Stellingwarfs in et ‘wild’ tegen. Annie Dedden zag daor disse aorige Stellingwarver naeme op een woonhuus, maekte foto’s en stuurde die naor StellingPlus.
Stellingwarfs in et ‘wild’
Fotorebriek Stellingwarfs in et eupenbaor
44. Bottien bi’j de Koebos
Dit bottien staot an de Binnenweg in Ni’jhooltpae bi’j de Koebos. Van wie disse tekst is? Duden de letters K.B. lichtkaans op Karst Berkenbosch? De foto wodde veur Stellingwarfs in et ‘wild’ instuurd deur Johan Veenstra
43. Bliede dat jim oons dörp bezuken
Annie Dedden stuurde ok disse foto op veur Stellingwarfs in et ‘wild’. Aj’ van Vinkege of Noordwoolde binnenkommen bin ze in Noordwoolde alle keren weer bliede daj’ heur dörp bezuken!
42. Butenbieners
Annie Dedden van Blesdieke ontdekt ok nogal es Stellingwarver naemen. ‘Aj’ d’r veur de rebriek Stellingwarfs in et ‘wild’ op letten, vaalt et me op dat d’r best veul Stellingwarver naemen bruukt wodden,’ zo vertelt ze. De Butenbieners is de naeme van de Karnevalsploeg van Steggerde.
41. Stienpad
In de ni’jbouw van De Oosterstreek hebben een tal straoten Stellingwarver naemen zoas et Stienpad. De foto veur de rebriek Stellingwarfs in ’t wild’ wodde instuurd deur Fettje Alten van Noordwoolde.