Een appattementekompleks in Wolvege het de naeme Et West. Dat is een toepasselike naeme, want et staot op et west van Wolvege. De foto’s veur Stellingwarfs in et ‘wild’ wodden instuurd deur Johan Veenstra.
Stellingwarfs in et ‘wild’
Fotorebriek Stellingwarfs in et eupenbaor
64. ’t Kiekhuus
An de Grindweg in Wolvege vien ie Museum ’t Kiekhuus. Et museum, dat in een vroegere bakkeri’je zien plak vunnen het, bestaot al sund 1988. In et museum is o.e. een prachtige verzaemeling oolde blikken en blikkies te zien, mar ok een oolde schoeleklasse. De foto veur Stellingwarfs in et ‘wild’ wodde instuurd deur Annie Dedden.
63. Monement Fochtelervene
Bi’j de ofsluting van de grote Laandinrichting Fochtelervene wodde op 4 oktober 2013 een biezunder monement onthuld. Op et monement van Jannes de Vries, dat et belang van waeter veur de vorming van vene verbeelt, is een gedicht van Willem Tjebbe Oostenbrink uut et Westerkertier plaetst. Et gedicht van Oostenbrink wodde vertaeld deur Sietske Bloemhoff. De meerst oostelike foto’s veur Stellingwarfs in et ‘wild’ an now toe wodden instuurd deur Ype Dijkstra van Oosterwoolde.
62. Meulereed
As nommer 6 in disse serie komt Meulereed al veur as straotnaeme in Berkoop. Mar an disse, veur auto’s doodlopende, weg ligt ok een netuurgebied van It Fryske Gea dat dezelde naeme het. De foto veur Stellingwarfs in et ‘wild’ wodde instuurd deur Johan Veenstra
61. Hooltpad
In et ni’jbouwwiekien van De Oosterstreek hebben de drie straoten Stellingwarver naemen. Dit is et Hooltpad. Eerder al stonnen et Stienpad (41) en et Venepad (46) in disse serie. Alledrie de foto’s wodden veur Stellingwarfs in et ‘wild’ instuurd deur Fettje Alten.