Ok de buurtschop Tronde (bi’j Else) kent een peer Stellingwarver naemen. Iene daorvan is de oorspronkelike naeme van de buurtschop. Die naeme is ‘’t Ronde’, die op et huus van Koert en Wieke de Boer te zien is.
Tael buten deure
105. d’Elf ieken
Ok in Else ziej’ nog al wat gebruuk van Stellingwarver naemen in ’t wild. Op ‘e foto’s die Hendrik Betten oons toestuurde zien jim et bod mit de anduding Minicamping d’ Elf ieken. An et pad naor heur boerderi’je staon mooie oolde ieken. Tel ze mar es aj’ in de buurt binnen… De minicamping is van Henk en Lutske Eggen an de Butenweg in Elsloo. Veul meensken kennen vanzels ok heur prachtige maïsdoolhof daor aj’ je zowat ieder jaor in verdwaelen laoten kunnen…
104. Wi’j warken an (…)
Bi’j De Lende wodt d’r warkt an et opni’j inrichten van et gebied om de revier henne. Op tal van plakken zal et laandschop d’r weer uutzien gaon zoas et was veur 1920. Zo ok bi’j Berkoop. Vlakbi’j Bekhof geft de perveensie op een bod an wat et doel is: Wi’j warken an een mooi Lendedal. Klaor naojaor 2017. Een dikke ploeme veur de perveensie die de hieltied meer heur bosschop op zok soorte van bodden in de tael van de streek plaetst! De foto wodde maekt deur Geert Lantinga van Wolvege.
103. Sletel parredies
…
Vandeweke kregen we vanuut Amsterdam disse beide foto’s toestuurd veur Stellingwarfs in et ‘wild’. Ze bin van Miranda van der Vegt, die ze op et Koningspad bi’j et Wienjeterperschar maekte tiedens et lopen van de Poëzieroute daor. Ien van de gedichten die in die route plaetst is, is ‘Sletel parredies’ van Johan Veenstra.
‘Et Koningspad is een kuier van mit mekeer 120 km laank waorbi’j et Keuningsdiep of Aldjip de heufdrolle speult. De verrassing was groot om op dit pad een Poëzieroute tegen te kommen mit veur mi’j as eerste een gedicht in et Stellingwarfs,’ vertelt Miranda die van oorsprong van Blesdieke komt. ‘Een peer veur mi’j onbekende woorden kon ik via et online woordeboek gelokkig opzuken zodat de hiele strekking van et gedicht mi’j hiel dudelik was en zo toepasselik bleek bi’j mien kuieraktiviteit die weke.’
102. ’t Haezehusien
In de buurtschop Boekelte bi’j Buil zag Hendrik Betten van Else een alderaorigste Stellingwarver naeme op een huus. Die naeme is ’t Haezehusien, et huus staot an de Boekelterweg.