Tael buten deure

Dit buurthuus in Stienwiek het de naeme ’t Buurthuus. Kiek, da’s nog es dudelike tael! (Foto: Henk Jager)

Henk Jager van De Blesse mag in et weekaende graeg een aentien fietsen. Hi’j kikt dan intied uut naor Stellingwarver naemen die in et eupenbaor bruukt wodden. In Stienwiek zicht hi’j daor best veul veurbeelden van. Zoas de voetvalverieninge van Stienwiek, die het de Stellingwarver naeme d’ Olde Veste ’54.

Dit mooie onderkommen in Stienwiek dreegt de naeme Hoogwolde. Henk Jager zag et en maekte disse foto’s.

Nijenstede is de Stellingwarver naeme van et gebouw in Stienwiek waor zorggroep Noorderboog zit. (Foto: Henk Jager)

Hans Salverda van Zorgvlied zag in Berkoop dit biezundere nommerbod mit de Stellingwarver tekst Kiek ‘m goan. Wat de bestemming van disse auto is, is niet dudelik… Ok hier zien we, krek as bi’j nr. 561. dat d’r oa schreven is, in plak van et gebrukelike ao.