Annie Dedden stuurde ok disse foto op veur Stellingwarfs in et ‘wild’. Aj’ van Vinkege of Noordwoolde binnenkommen bin ze in Noordwoolde alle keren weer bliede daj’ heur dörp bezuken!
Tael buten deure
42. Butenbieners
Annie Dedden van Blesdieke ontdekt ok nogal es Stellingwarver naemen. ‘Aj’ d’r veur de rebriek Stellingwarfs in et ‘wild’ op letten, vaalt et me op dat d’r best veul Stellingwarver naemen bruukt wodden,’ zo vertelt ze. De Butenbieners is de naeme van de Karnevalsploeg van Steggerde.
41. Stienpad
In de ni’jbouw van De Oosterstreek hebben een tal straoten Stellingwarver naemen zoas et Stienpad. De foto veur de rebriek Stellingwarfs in ’t wild’ wodde instuurd deur Fettje Alten van Noordwoolde.
40. Tot kiek es
Al sund jaor en dag staon d’r op ‘e plaknaemebodden van Noordwoolde aorige menieren om de bezukers an et dörp dag te zeggen. Niet alliend bi’j et kommen, mar ok bi’j et gaon. Op disse foto zien jim daor een veurbeeld van. De foto wodde veur Stellingwarfs in et ‘wild’ instuurd deur Annie Dedden van Blesdieke.
39. De Stoelemaeker
Van Annie Dedden uut Blesdieke kwam veur de rebriek Stellingwarfs in et ‘wild’ disse mooie Stellingwarver naeme De Stoelemaeker binnen. Et is de naeme van et laeste meubelmaekersbedrief in Stellingwarf, dat op ambachtelike wieze nog meubels maekt van rotan, manou en pitriet. De Stoelemaeker kuj’ vienen op ‘e Oosterstreek.