Jong van hatte mit et Stellingwarfs de toekomst in
An de Maoden bi’j Appelsche staot een boerderi’je mit de mooie naeme De nije locht. De femilie die hier woont, woonde eerder in Hoogland b’j Amersfoort, en daor hiette heur boerderi’je De Locht. De trekker het dezelde mooie naeme kregen. (Foto en gegevens: Hans Salverda)
Doe et ni’je onderkommen van de Stellingwarver Schrieversronte op 19 oktober 2024 in Berkoop eupend wodde, hong et gedicht De drumpel over van Harmen Houtman op een groot vel pepier veur de ingang van winkel, haandbiebeltheek en kantoorruumten. Bi’j de eupening wodde et vel pepier mit et gedicht d’r op an de kaant roetst. (Foto en tekst: Johan Veenstra)
De zende is de naeme van een ere straote in Stienwiek, zie ok nommer 574. De zende is ark om mit de haand grös te mi’jen. De naeme komt ok veur as naeme van een zael in Ooldemark (nommer 512 in disse serie). (Foto: Henk Jager)
In een Stienwieker wiek hebben een tal straoten een Stellingwarver naeme van een bepaold onderdiel uut oold boere-ark, zoas De teeme. In Stellingwarf zels kennen we et woord veural as ‘de tieme’. Et was een warktuug om et huj, as dat ienkeer in et zwil lag, bij mekere te tiemen tot een bulte. (Foto: Henk Jager)
Annie Dedden zat op ‘e fiets in Wolvege en zag dit bod mit een waorschouwing in et Stellingwarfs: Fietsers ofstappen, deurtrappen het gien zin 😉 (en kost 45 euro). Et benaoderen van meensken in heur eigen tael is van belang, dit is dan ok een mooi initiatief! Of iederiene him now mitien holen zal an an disse waorschouwing…? Annie in ieder geval wel, al was et mar om d’r disse foto van te maeken!