Beeld en geluud

meziek, beeld, geluud, media

Optreden Serge Epskamp en The Jetfarm

door

Kommende zaoterdagaovend 10 november treden Serge Epskamp en The Jetfarm op in kefé De Wiekslag in De Wijk in de perveensie Overiessel. De ‘singer-songwriter night’ begint om 21.00 ure, de toegang is gratis. Serge Epskamp wun Stellingwarfpop 2012 mit et lietien Laeste volle maone, dat in de rebriek ‘Beeld en geluud’ van disse webstee te heuren is. Ok The Jetfarm dee mit an Stellingwarfpop en leut daor twie prachtige lieties in et Stellingwarfs heuren, beide lieties zullen eerdaegs ok op StellingPlus te heuren wezen.

Ni’je Stellingwarver lieties in ‘Singeliers’

door

Op vri’jdagmiddag 2 november bin in et streektaelmeziekpergramme ‘Singeliers’ van de lekaole omroep Odrie zangeres Sietske Sietsma en gitarist Rob Zandgrond te gaaste. Tegere vormen zi’j Rosie Kills, dat op Stellingwarfpop de twiede pries wun mit et lietien Et maekt da’k gao. Et duo dat akoestische meziek heuren lat het dudelik aorighied an et gebruken van et Stellingwarfs, zo zullen ze in de live-uutzending heur ni’jste Stellingwarver lietien Volwassen heuren laoten. Bi’jkotten zullen de Stellingwarver lieties van Rosie Kills ok via StellingPlus te beluusteren wezen.