Oflopen 14 jannewaori raekte Zwaantje Kuiters-Keizer uut de tied. Al vanof et begin van de Stellingwarver Schrieversronte was Zwaantje Kuiters aktief bi’j de stichting betrokken. Ze was iene van de eerste meensken die de kursus ‘Stellingwarfs veur beginners’ volgde; laeter was ze jaorenlang kursusleider veur diezelde kursus. Zwaantje was ok aktief in et woordeboekwark t.b.v. et Stellingwarfs Woordeboek en zat tien jaor in et bestuur van de Schrieversronte. Zwaantje Kuiters was liekewel ok schriefster, niet alliend schreef ze veur volwassenen, mar ok veur kiender. Van heur verscheen o.e. et kienderboek Ze weren d’r echt. Heur verhaelen weren ok te lezen in de Stellingwarver rebriek ‘Uut de pultrum’, die eertieds in de Liwwadder kraante te vienen was. Iene daorvan kun jim now lezen deur te klikken op: Et Poppemaanteltien . Zwaantje Kuiters-Keizer is zowat 93 jaor oold wodden.
Verhaelen
Verhael H.J. Bergveld
In de eerste helte van meert verschient et boek ‘Bergveld lest veur uut eigen wark’, een 320 bladzieden tellend boek. In et boek is alle wark van iene van de eerste schrievers in et Stellingwarfs opneumen, zo ok et verhael ‘Op ‘e Vossejacht’ dat jim hier lezen kunnen deur te klikken op:
Jouk
Jouk (Martinus Bakker) was ien van de eerdere schrievers in et Stellingwarfs. Bakker die van Noordwoolde kwam schreef mit naeme onder de schoelnaeme Jouk, mar ok nog al es onder de naeme Jan Aarm Ongelok, huusnommer dattien. Et verhael Rere tieden ston in feberwaori 1990 in de verhaelerebriek Op ‘e Schostienmantel’ van de regionaole kraante ‘Stellingwerf’.
Peggy Klinkhaemer
Uut de pultrum was jaorenlaank dé Stellingwarver verhaelerebriek van de Liwwadder kraante. In september 1975 was daor et volgende verhael van Peggy Klinkhaemer (de schoelnaeme van Grietje Hento-Stoker) in te lezen:
Oolde klaore: een verhael van Jouken Trien
Van Jouken Trien (een schoelnaeme van H.Veenstra) kun jim een verhael lezen, dat zowat veertig jaor leden, op 21 april 1973, in de verhaelerebriek Uut de pultrum van de Liwwadder kraante ston. Ie moe’n daorveur even klikken op Oolde klaore !