Vandaege (27 september) kwam van Sjoukje Oosterloo et volgende verhael binnen:
Verhaelen
Hankie van der Tuin
Hankie van der Tuin volgde een peer jaor leden de kursus Stellingwarfs en kreeg d’r aorighied an om verhaelen in die tael te schrieven. Op StellingPlus kun jim wark van heur lezen, in et Stellingwarfs tiedschrift De Ovend zal inkotten ok een verhael van heur plaetst wodden.
Koosje Hornstra
Koosje Hornstra is al jaoren lid van de schrieversklub van de Stellingwarver Schrieversronte. Now en dan publiceert ze wark in o.e. de Stellingwarver Spreukekelinder en et Stellingwarfs tiedschrift De Ovend. Van datzelde blad is ze ok redakteur en het daorveur mit riegelmaot een praotien mit een bekende of minder bekende Stellingwarver.
Attie Nijboer
Attie Nijboer schrift al een posien gedichten in et Stellingwarfs. Sommigen daorvan bin publiceerd in o.e. et Stellingwarfs tiedschrift De Ovend. Daornaost bin d’r ok gedichten van heur te lezen in et boek Gien plak dat mi’j zo trekt. De 13 dörpen van Oost-Stellingwarf van Henk Bloemhoff. Attie is iene van de leden van de schrieversklub van de Stellingwarver Schrieversronte, daornaost is ze twiede veurzitter van die stichting.
Vlochtig (oktober 2011)
Harmen Houtman
Schriever en dichter Harmen Houtman uut Et Vene schrift al in et Stellingwarfs sund de oprichting van de Stellingwarver Schrieversronte in 1972. Van him verschenen an now toe drie dichtbundels. Harmen is daornaost iene van de vaaste mitwarkers an de Stellingwarver Spreukekelinder, mar levert bi’jglieks ok mit riegelmaot reisverhaelen veur o.e. de bladziede Stellingwarver Zaeken in de regionaole kraanten Stellingwerf en Nieuwe Ooststellingwerver. Daornaost schrift Harmen Houtman veul lietteksten. Veur de Vliegende Steerns (Flying Stars) van Hooltpae vertaelde hi’j ok wark van eren, zoas Verdronken vlinder van L. Nijgh (tekst) en B. de Groot (meziek):
De eerste stap (september 2011)
Verdronken vlinder (augustus 2011)