Op et mement kommen d’r bi’j StellingPlus de hieltied ni’je verhaelen en gedichten binnen van Stellingwarver schrievers. Dat wark wodt de hieltied zo gauw meugelik plaetst onder et koppien ‘Schriefklub”. Vandaege kwam et ni’jste verhael van Sjoukje Oosterloo binnen: De iene zien dood…
Literetuur
– Leesklub
– Schriefklub
– Eboeken
– Gedichten
– Literatuur
Koosje Hornstra
Koosje Hornstra is al jaoren lid van de schrieversklub van de Stellingwarver Schrieversronte. Now en dan publiceert ze wark in o.e. de Stellingwarver Spreukekelinder en et Stellingwarfs tiedschrift De Ovend. Van datzelde blad is ze ok redakteur en het daorveur mit riegelmaot een praotien mit een bekende of minder bekende Stellingwarver.
Attie Nijboer
Attie Nijboer schrift al een posien gedichten in et Stellingwarfs. Sommigen daorvan bin publiceerd in o.e. et Stellingwarfs tiedschrift De Ovend. Daornaost bin d’r ok gedichten van heur te lezen in et boek Gien plak dat mi’j zo trekt. De 13 dörpen van Oost-Stellingwarf van Henk Bloemhoff. Attie is iene van de leden van de schrieversklub van de Stellingwarver Schrieversronte, daornaost is ze twiede veurzitter van die stichting.
Vlochtig (oktober 2011)
Harmen Houtman
Schriever en dichter Harmen Houtman uut Et Vene schrift al in et Stellingwarfs sund de oprichting van de Stellingwarver Schrieversronte in 1972. Van him verschenen an now toe drie dichtbundels. Harmen is daornaost iene van de vaaste mitwarkers an de Stellingwarver Spreukekelinder, mar levert bi’jglieks ok mit riegelmaot reisverhaelen veur o.e. de bladziede Stellingwarver Zaeken in de regionaole kraanten Stellingwerf en Nieuwe Ooststellingwerver. Daornaost schrift Harmen Houtman veul lietteksten. Veur de Vliegende Steerns (Flying Stars) van Hooltpae vertaelde hi’j ok wark van eren, zoas Verdronken vlinder van L. Nijgh (tekst) en B. de Groot (meziek):
De eerste stap (september 2011)
Verdronken vlinder (augustus 2011)
Kees Koopstra
Kees Koopstra is iene van de aktieve leden van et zonuumde Schrieversrgroepien van de Stellingwarver Schrieversronte. Kees publiceeert now en dan in o.e. de Stellingwarver Spreukekelinder en Twie pond ’n stuver, dat is de jaorlikse boekekraante. Die kraante verschient altied een peer weken veurdat de sutelaktie begint. Van Kees kun jim van now of an ok wark lezen op de webstee StellingPlus.
Vaalappels (september 2011)
Hatte onder de riem (september 2011)
Drok (augustus 2011)
In de warre (augustus 2011)