Jammer genoeg hebben heur krek wat te min meensken opgeven veur de ni’je kursus Stellingwarfs veur beginners. Om de kursus deurgaon te laoten is een minimum tal kursisten neudig van tien personen, dit keer gavven zes meensken heur op. Ankem jaor wodt de kursus opni’j anbeuden, mar om toch al wat Stellingwarfs an te leren kun meensken op disse webstee an de slag. In de rebriek e-learning Stellingwarfs zullen mit riegelmaot ni’je taeloefenings en taelspullegies anbeuden wodden. Butendat is daor de bundel Hoe schrijf je ’t Stellingwerfs van kursusleider dr. Henk Bloemhoff in te zien.
Algemien
Kursus Gedichten schrieven
Et doel was dat op 27 oktober d’r een kursus Gedichten schrieven beginnen zol in et gebouw van de Stellingwarver Schrieversronte in Berkoop. Jammer genoeg wodden de ankondigings daorveur niet op tied in mit naeme de lekaole kraanten opneumen, zodat et anbod bi’j te min meensken bekend was. De kursus die op vier aovenden geven wodden zal is daoromme uutsteld naor meert kommend jaor. De eerste aovend is op 1 meert, de twiede op 8 meert, de dadde op 22 en de laeste op 29 meert. De kursus wodt geven deur Peter Riksma, hi’j is neerlandikus en liefhebber en kenner van gedichten. De kursus kost € 50,00, daor bin koffie en thee bi’j inbegrepen.
Wie mitdoen wil kan him now al opgeven bi’j de Stellingwarver Schrieversronte in Berkoop. Dat kan via de mail info@stellingwarfs.nl, bellen kan ok naor 0516-451108.
Stellingwarfs kienderboekefeest
In de kienderboekeweke van 2011 is d’r in Plantageboekhaandel Zwikstra op 8 oktober een Stellingwarfs kienderboekefeest. Een weke laeter, op zaoterdag 15 oktober is et feest bi’j Bruna in Oosterwoolde.
Lees meer op: Stellingwarfs Kienderboekefeest in boekwinkels Wolvege en Oosterwoolde
Internationale dialektendag in Heerde
Op De Stentor.nl is een aorige bi’jdrege te lezen en te zien over de Internationaole streektaelkonfereensie van oflopen 27 september. Uut de Stellingwarven dee o.e. Carolien Hunneman an die mooie dag mit. Daoromme, kiek op: Internationale streektaalconferentie in Heerde.
Foto’s Marije Kuiper op Eurart
Vinkega/Guusje
Sund kot bin d’r foto’s van fotografe Marije Kuiper uut Vinkege te koop op Eurart, dat is een platform dat van verschillende Europese keunsteners wark op Internet verkocht. Lees meer op: