Redaktie

Op iene van de hoekwonings vlakbi’j et ‘Kiek achter de diek plein’ in Blaankenham staot de toepasselike naeme ’t Hoekie. (Foto en tekst: Henk Jager)

Wie ok es een mooie Stellingwarver naeme in et eupenbaor zicht, kan een foto en de gegevens d’r van sturen naor info@stellingwarfs.nl.

Vlakbi’j et parkeerterrein ‘Kiek aachter de diek plein’ in Blaankenham staot een halfeupen hokkien dat de naeme Ons Blankenham plekkie dreegt. Hier zitten (leugen?)baankies in mit uutkiek op et dörpshuus en (riegelties)wonings krek buten de Zeediek. De baankies bin van iezeren buizen, wat winters niet arg noflik zitten zal, daenkt Henk Jager van De Blesse die de foto’s maekte. ‘Dat d’r zat gien iene,’ vertelt hi’j.

Et parkeerterreintien bi’j dörpshuus de skulpe in Blaankenham het een hiele toepasselike naeme: et Kiek achter de diek plein. Mooie speuls, en mitien zo dudelik as wat. (Foto en gegevens: Henk Jager)

Kotleden zag Henk Jager in Blankenham vanof de zeediek de naeme ‘de skulpe’ staon. ‘Een mooie naeme. ‘Wi’j zeggen dat ja krek zo, al schrieven wi’j schulpe,’ vertelt Henk. ‘Et bliekt om et dörpshuus te gaon. Et is hier ok een toepasselike naeme, want et gebouw staot krek buten de zeediek.’ 

Hans Salverda van Zorgvlied zag disse Stellingwarver straotnaeme in Vledder. De foto maekte hi’j bi’j een verspringend kruuspunt an de oostkaante tegen de es an.