Redaktie

In disse serie zaggen we eerder al de naeme van de sporthal mit zwembad De Steense in Wolvege. Mar ok twie zaelen in et gebouw hebben Stellingwarver naemen. Dat zag Henk Jager van De Blesse, en maekte d’r foto’s van. In et eerste geval gaot et om de naeme Oolde steense .

Kot nao ni’jjaorsdag zag Hans Salverda van Zorgvlied disse mooie Stellingwarver naeme van een straote in Doldersum. Op ‘e aachtergrond is nog krek zoe’n betien de beek Vledder Ao te zien. Now zoj’ daenken dat de naeme Neijaorsweg wat mit ni’jjaor te maeken het, mar dat is toch niet zo. Et woord ‘jaor’ betekent in dit geval zoks as ‘gaard’ en wodt hier bi’jomme wel bruukt om een wat kleiner kaampien laand vlakbi’j een boerderi’je mit an te duden, vergeliekber mit et wat bekendere ‘goorn’. Et woord zels kuj’ vergelieken mit et Engelse ‘yard’ veur ’tuun’ of ‘hof”.

Meensken, die ok es een aorige Stellingwarver naeme in et eupenbaor zien, kun een foto daorvan opsturen naor info@stellingwarfs.nl.

An de buterkaante van kefé De Karre in Tuk hangt dit weerbericht. ‘Van et plaankien mist jammer genoeg een stok of en et touwgien was steulen’, vertelde Henk Jager die de foto maekte. 

Vlakbi’j Stienwiek ligt et mooie plakkien Tuk. In dat plak staot een wel hiel bekend kefé, dat is De Karre. Henk Jager fietste daor kotleden langs en maekte d’r foto’s van. Et volk dat in et kefé komt wodt, zoas te zien is, Karrevolk nuumd.

Oflopen weekaende fietste Henk Jager in de mooie wereld van de Weerribben en zag bi’j Kaelenbarg dit keunstwark staon mit de naeme In de Ribb’n.