Et is meraokels mooi dat staorigan de officiële – Stellingwarver – naemen van revieren, kenaolen en zo henne de hieltied meer zichtber bruukt wodden. Op 15 meert 2006 wodden die naemen, krek as de Friese naemen veerderop in Frieslaand, officieel vaastesteld deur de perveensie. Dat gelt dus ok veur de naemen van de revieren daor de verni’jde N 381 over henne gaot, in dit geval De Kuunder bi’j Oosterwoolde.
De foto’s veur ‘Stellingwarfs in et wild’ bin instuurd deur Jan Oosterhof van Makkinge.